Hindistanlı Apatani qadınlarının burunda taxta tıxaclar Hindistanın şimali-şərqində yaşayan Apatani xalqının qadınları, burun pərlərini deşərək dəliklərə Yaping Hullo adlanan taxta tıxaclar qoyurlar. Hesab edilir ki, bu qədim zamanlarda bu qəbilənin qadınlarının çox gözəl olduğu üçün qonşu qəbilələrin kişilərinin diqqətindən qorumaq üçün düşünülüb. Onlar öz gözəllərini yad nəzərlərdən qorumaq üçün belə ürpədici "bəzək” düşünüblər.

Bundan başqa qızlara çənədən burunun ucuna qədər düz xətt şəklində tatuaj edirdilər. Zamanla burunda olan taxta tıxaclar qəbilənin qadınlarının görünüşündə adi hal, eləcə də seçilmə xüsusiyyəti oldu. Amma son zamanlar apatani xalqının gənc nəslinin nümayəndələri fərqli bəzək əşyalarına üstünlük verirlər..