Almaniyalı alimlər tez-tez gülümsəməyin ziyanlı olduğunu müəyyənləşdirib.

Mütəxəssislər bu baxımdan stüardessaların, satıcıların, həmçinin müştərilərlə daimi təması labüd edən digər peşələrin sahiblərinin daha çox risk qarşısında olduqlarını bildirir. Onların sözlərinə görə, tez-tez təbii və ya süni gülümsəmək stres və depressiyaya aparıb çıxarır.

Professor Diter Sapf bildirir ki, orqanizm daim gülümsəməyi insanın öz üzərində zorakılığı kimi «başa düşür» və bu, qan təzyiqinin yüksəlməsinə, ürək döyüntüsünün artmasına, sonda depressiyaya səbəb olur. O, daim müştərilərin üzünə gülümsəməli olan şəxslərə imkan tapan kimi dincəlməyi, vaxtını gülümsəmədən keçirməyi məsləhət görür...