* Hazırladığınız salatları ancaq emallı, şüşə və ya keramik qablarda saxlayın.

* Salat hazırlıqından sonra ona əlavə etdiyiniz bir neçə damcı limon suyu, salatda daha çox C vitamini qalmasını təmin edər.

* Əgər hazırlayacağıniz salat bitki yağı tərkiblidirsə, onda bitki yağını düz və ıstiot vurduqdan sonra salata əlavə edin.

* Cücərmiş və ya yaşıllaşmış kartoflari qaynatmaq üçün, mütləq qabıqlarını saymaq lazımdır.

* Kartofun tez pörtlənməyini istəyirsinizsə, suya bir qədər marqarin əlavə edin.

* Pörtlətdiyiniz kartofda göy ləkələrin olmaması üçün, suya bir qədər uksus əlavə etməniz məsləhətdir.

* Bişmiş kələmin xoşagəlməz iyinin ətrafa yayılmaması üçün, suya bir dilim ağ çörək qoya bilərsiz.

* Kökün yaşıllaşmış başlığı ona acı dad verir, odur ki o hissəni kəsməniz məsləhətdi.

* Çuğunduru bişirməzdən əvvəl onun kökünü tam olaraq kəsməyin, bu zaman çuğundurun bütün şirəsi çıxacaq və o ağaracaq.

* Vineqret üçün çuğunduru, digər tərəvəzlərdən ayrı yağlayın ki, onun rəngi o biri ingredientlərə qarışmasın.

* Bişmiş əti, bulyonda saxlamayın. Quru vəziyyətdə daha yaxşı qalacaq.

* Saxlamaq üçün əti soyuducuya qoymazdan əvvəl yumayın, onda ət tez xarab olar.

* Ciyərdən nazik pərdə qatını asanlıqla soymaq üçün, barmaqlarınızı duza batırın.

* Təmizlənmiş göbələk qaralmasın deyə, onları azca duzlanmış soyuq suya qoymanız məsləhətdi.

* Kəskin ətirli ədviyyatlar, şampinyon göbələyinin dadını korlayır.