Ucuz olduğu üçün seçilən ətirlər orijinal ətirlərdən kimyəvi tərkibinə görə fərqlənir və qalıcı ləkələrə səbəb olur.

Dr. Burhan Əngin orijinal ətirlərdə bir çox kimyəvi maddələrin olduğunu, lakin saxta ətirlərdə bu maddələrin daha çox olduğunu bildirərək, "Saxta ətirlərdən istifadə etmək üzünüzə, dərinizə, ən həssas yerinizə zərər vermək deməkdir." deyib.

Əngin saxta şüşələrdə satılan ətirlərin cildə zərər verdiyini söyləyib. O bildirib ki, "Orijinal ətirlərdə də kimyəvi maddələr mövcuddur. Saxta ətirlərdə isə bu maddələr çoxluq təşkil edir. Bu cür parfumlər yanma, qızarma, şişlik, birinci dərəcəli yanıqlar kimi zərərlər verə bilər. Eyni zamanda qalıcı ləkələrə də səbəb ola bilir. Saxta ətirlərdə kimyəvi maddələrin miqdarı yoxlanılmadığı üçün bu kimi fəsadlar yaradır."

Saxta ətirləri bəzi vətəndaşlar daha ucuz olduğu üçün seçirlər, bəziləri isə bunun zərərlərini bildikləri üçün istifadə etmirlər.