Darıxsan, yadına bir gün mən düşsəm,
Köhnə şəkillərə bir nəzər yetir.
Onlarla dərdləşib, görüş, öpüş sən,
Hərdən xəyalları misafir gətir.

Nə vaxtsa üstünə yagarsa yağış
Menim də yerimə onunla danış.
Daha həsrətimlə vuruşma, barış.
Hərdən gözlərində sellərə qarış.

Oyansa nə vaxtsa yatmış xəyallar,
Nə vaxtsa gözündən qaçsa yuxular,
Üzülmə, xəyalım nigaran qalmış.
Hərdən xəyalıma özündən danış.

Bir gun ürəyinə sözlər yığılsa,
İncitsə qəlbini, qəlbin sıxılsa,
Çəkil öz dünyana, dərdləş qəlbinlə.
Hərdən ürəyində danış mənimlə.

Şəhla Qəmgin