Biz artıq halala haram qatmışıq,
Şeytan layla çalıb biz də yatmışıq
Gör zamanın harasına catmışıq,
İlan tərifləyir zəhərin dünya.

İndi çoxlarında qalmayıb qeyrət,
Di gəlki qeyrətdən eyliyir söhbət.
Kişilər arvaddan çox edir qeybət
Yoxdumu bunlardan xəbərin dünya.

Dərdim o qədərdi tab etməz dağlar,
Dərdimi dinləsə buludlar ağlar
Bilmirsən nədəndi solubdu bağlar,
Bağban dərə bilmir bəhərin dünya.

Demirəm ki qışda yay göndər bizə,
Demirəm ki gündüz ay göndər bizə,
Həyatın sevincini pay göndər bizə,
Bizdən uzaq eylə kədərin dunya.!