Qadınsız Ev

Müəllif: Mr. OffiCeR
Şərhlər: 0
Baxılıb: 4112
Səs ver:
(səs: 1)
 Çiyinlərdə yerin-göyün qəmidir,
Ah çəkirsən asimana yetişir.
Qadınsız ev-
Tufandaki gəmidir,
O nə batır,nə limana yetişir.

 
Ağır dərdlər faciənin gücüdür,
Nə sevinib, nə də gülə bilirsən.
Qadınsız ev-
Xəstəxana küncüdür,
Nə diridir,nə də ölə bilirsən.

 
Fəlakətdə neçə-neçə sirr yatır,
Səni yıxır,polad kimi o sınmır.
Qadınsız ev-
Günəşsiz bir dünyadır,
Nə od yansa, qızınmır ki, qızınmır.

 
Sən bir quşsan,ruhun sınmış qanaddır,
Heç baxma ki, külək sərin,meh ilıq…
Qadınsız ev-
Ulduzsuz kainatdır,
Həmdəmindir sükut ilə qaranlıq.

 
Ey kişilər!
Sevginizi əzizləyin cahanda,
Qadınlığın sədaqətdir ilk adı.
Vay o gündən-
Ömrün axır anında,
Gözünüzü qapayanda olmadı!

 
Müəllif: N.Xəzri


(səs: 1)
Şərhlər: 0
Baxılıb: 4112
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri