Bir gün düşərəmsə yadına sənin
Məni məndən soruş, özgədən deyil
Bilmək istəsən ki, hardayam, necə
Məni məndən soruş, özgədən deyil

Soruşma özgədən, soruşma yaddan
Gizlicə soruşma, axtarma məni
Gözlərim gözünə baxanda soruş.
Məni məndən soruş, özgədən deyil

Bir sabah düşəcəm yadına sənin
Açılan sabahdan soruşma məni
Mən sənə, sevgilim, yad deyiləm ki,
Məni məndən soruş, özgədən deyil

Aldanma hər sözə, uyma kimsəyə
Soruşma kimsədən soruşma məni
Kimsə bilməyir ki, sənə sevgimi
Məni məndən soruş, özgədən deyil...
 
Xuraman Vəfa