Haramdı bu şəhər sevgili sənsiz
Sükuta qərq olub, səssizdir, səssiz.
Aldığım nəfəsdin, hardasan axı?.
Yaşaya bilmirəm heç cür nəfəssiz.

Gedişin sükutdu, oldu səbəbsiz.
Neçənci gündü bu, keçirdi sənsiz?
Gedəndə dərdləri verməzdin gərək
Mən də istəyirəm yaşamaq dərdsiz..

Özünü düşünüb, unutdun məni...
Unutdun səninlə yaşadığımı
Gedərkən bərk qırdın yaman qəlbimi.
Unutdum o andan yaşadığımı...

Bilmirəm ölüyəm indi ya diri...
Danışa bilmirəm, dinə bilmirəm.
Təkcə doldururam boş sətirləri
Bir söylə,sevgili, niyə ölmürəm?!

Yox artıq mənası mənim ömrümün
Zillətdi, zəhərdi hər bir dəqiqəsi
Sevinim şəninə hansı günümün?
Kədərdi, qəhərdi hər bir dəqiqəsi...

Əhədin əlacı yoxdur hayf ki.
Ürəyin boşaldır tək yazmağıyla.
Əhədin qəlbini dərdlər alıb ki
Bitəcək əzrayil aparmağıyla...