Bəlkə də mən səni sevməmişəm heç
Səninçün hislərim əbəs olubdur
Bəlkə də mən səni sevməmişəm heç
Bəlkədə ötəri həvəs olubdu
 
Bəlkədə sevmişəm bilmədən səni
Bəlkə də sevmisən sən də mənim tək
Bəlkədə təsəlli bilərək səni
Köksümdə çırpınır yaralı ürək
 
Bəlkədə günahkar bir bəndəyəm mən
Sən mənə ən böyük bədəl olmusan
Nə işdir düşmüşəm nə gündəyəm mən
Elə bil canıma əcəl olmusan
 
Bir əsər qalmayıb şux qamətimdən
Bəlkələr sındırıb büküb belimi
Bəlkədə sevirəm deyə bilmirəm
Bəlkələr bağlayır bəlkə dilimi?!
 
Bəlkələr yağış tək yağır üstümə
Bəlkələr içində boğulmuşam mən
Hərdən öz-özümə sual edirəm
Bəlkələr üçünmü doğulmuşam mən?!
 
Rəvan Məmmədli