Uelsdə yerləşən Hay-on-Wye şəhərciyi kitab ticarətinin mərkəzlərindən biri hesab edilir. İngiltərə və Uels sərhəddində yerləşən bu şəhərcikdə yarım min insan yaşayır.
Hər şey 1961-ci ildə, yerli sakinlərdən biri olan Richard Booth-un
ilk bukinist piştaxtasını açması ilə başlayır. O bir neçə tanışını ABŞ-a
göndərir və onlar da öz növbəsində oradan çoxlu sayda ikinci əl
kitablar alaraq geri dönürlər. Zamanla cənab Booth-un şöhrəti bütün
dünyaya yayılır və artıq bir çox kitabxanalar özləri ona kitab
göndərməyə başlayır. 1970-ci ildə bu şəhərcik bütün dünyada kitab şəhəri
kimi tanınmağa başlayır. Hazırda şəhərdə 40-a yaxın köhnə kitab
mağazası fəaliyyət göstərir və bir il ərzində buranı təxminən yarım
milyon turist ziyarət edir.