"Münaqişənin həlli istiqamətində danışıqlar gedəcək". Azərbaycan və Ermənistan prezidentləri sabah Soçidə görüşəcəklər.
Bu barədə Prezident Adminstrasiyasının Xarici əlaqələr şöbəsinin müdiri Novruz Məmmədov twitter səhfəsində yazıb. PA rəsmisi qeyd edir ki, artıq Soçidədirlər. "Artıq Soçidəyik. Bu gün Azərbaycan və Rusiya Prezidentləri əməkdaşlıq əlaqələrinin genişləndirmək üçün ikitərəfli formatda görüş keçirəcəklər. Sabah isə Rusiya prezidentinin iştirakı ilə Azərbaycan və Ermənistan prezidentlərinin görüşü olacaq". N.Məmmədov bildirib ki, Azərbaycan və Ermənistan prezidentləri Ermənistan-Azərbaycan Dağlıq Qarabağ münaqişəsinin həlli istiqamətində danışıqlar gedəcək. Onun sözlərinə görə,danışıqlarda irəlləyiş Ermənistan prezidentinin konstruktiv mövqe tutmasından asılı olacaq. Qeyd edək ki, ötən gün prezident İlham Əliyev Rusiya Federasiyasının Soçi şəhərinə isgüzar səfərə gedib.