Əməkdar artist Aybəniz Haşımova qızı ilə bağlı yayılan xoşagəlməz xəbərlərdən şikayətlənib.
Qadınlar.Biz bildirir ki, "Gündəlik” verilişində qonaq olan müğənni bu cür informasiyaların onu çox incitdiyini deyib:
"Qızım haqda bir neçə dəfə yanlış xəbərlər yazılıb. Övladı olanlar bilir ki, ananı incitmək nədir. Bu, çox acıdır. Amma heç vaxt qisasa qisasla cavab verməmişəm. İnsanları incitməyi xoşlamıram. Kimisə ağrıtsam, sonra özüm əzab çəkəcəm. Onun cavabını Allah verir. Öz övladını sevən başqasının əzizinə sataşmaz. Özgəsinin əqidəsini şərləməklə rahat çörək yeməyəcəksən”.
Qeyd edək ki, A.Haşımovanın qızı Aynişan Quliyeva İstanbulda magistratura sahəsində təhsil alır.