Xalq artisti İlhamə Quliyeva ATV kanalında yayımlanan "Kimdir nömrə bir” yarışmasına bağlanaraq uğurlar arzulayıb.
İ.Quliyeva aralarından qara pişik keçdiyi deyilən Toliklə də münasibətlərini düzəldib.
"Çox gözəl proyektdir. Bütün münsifləri , xüsusilədə Toliki salamlayıram. Bu layihə yaxşı mənada səs-küy salıb. Bunu hamı da bilir ki, Azərbaycanda bir nömrə məndən sonra gəlir. Orda iştirak edən Ayaz, Mirkamil və Elçin Hüseynova dəstəyəm. "
Bu jest qarşısında Tolik də səssiz qalmayıb.
"Bu bizim uğurumuzdur ki, sizin kimi böyük sənətkar öz qızıl vaxtından ayırıb bizə baxır. İlhamə xanım Tükəzban xanımın məktəbi keçib, sms yarışmasını yox...Allah sizi var etsin.”
Tolik canlı efir zamanı daha bir faktın üstünü açıb. Sən demə, şou-biznesdə Tolikin tanınmasında İlhamə Quliyevanıın böyük rolu olub.
"Mənim şou-biznesdə Tolik olmağım, bugün burda oturmağım İlhamə xanımın uğurudur. Biz İlhamə xanımla dostuq. Düzdür, arada məndən inciyir. Həmişə deyir ki, səni gətirməklə şou-biznesə bəla saldım."