Avstryada faşizmi tərifləyib, İslamı pisləyən, Məhəmməd peyğəməb əri (s.ə.s) təhqir edən bir nəfərə iki il həbs cəzası verilib.Prokurorluq cəzanın az olduğunu deyərək, artırılması üçün hərəkətə keçib.
Həbs qərarını Vyana bölgə məhkəməsi verib. 32 yaşlı danimarkalı kişi "internetdə faşist təbliğatı etmə və dini dəyərləri pisləmədə" ittiham edilir.
Danimarkalı gənc Vyanada 2010-cu ildən yaşayır və universitetdə kimya üzrə təhsil alır. O, "Facebook" səhifəsində faşizmi dəstəkləyib, yəhudi soyqırımını təkzib edib, Məhəmməd Peyğəmbəri (s.ə.s) təhqir edən ifadələr paylaşıb.
Onun əməlinin üstünü anti-faşist bir qrup açıb. Belə ki, təhqirləri görən qrup dərhal hüquq mühafizə orqanlarına müraciət edib.
Məhkəmə qərarını "səfehlik" adlandıran 32 yaşlı tələbə saxlandığı həbsxanada da svastika ilə divarlara şüarlar yazaraq dövlət əmlakına da ziyan vurub. Buna görə də o ayrılqda məhkəmədə cavab verməli olacaq.