Müğənni Təranə Qumral hər kəsi təəccübləndirib. Xanım ifaçı sevdiyi kişi tipini açıqlayıb. Sakit, dilsiz-ağızsız kişiləri bəyənmədiyini eitraf edən T. Qumral həyat yoldaşı, 21 ildir ki, evli olduğu ömür-gün yoldaşı Musa Musayevin cəsarətini, igidliyini sevdiyini qeyd edib:

"Musanın hayı-küyü var. Mən kişinin dəlisini sevirəm. Mən qoyun kimi kişiləri sevmirəm.  Kişilərimiz igid olmalıdır. Vuran yıxan... Musa nə qədər əsəbi olsa da, hətta, kimisə öldürməyə qalxsa, Təranənin bir baxışı onun üçün hər şeyə dəyər. Özü deyir ki, mən bütün addımlarımı Təranəyə görə atıram”.

Müğənni həmçinin Musa Musayev ilə ailə qurarkən həyat yoldaşının kasıb olduğunu bildirib.

"Mən Musa ilə ailə quranda bir şalvarı, bir köynəyi olub. Heç nəyi olmayıb. Heç maşını da olmayıb. Mən Musanın özünü sevib ailə qurmuşam. 21 il yalandan bir yerdə yaşamaq olmaz”.