İfaçı Mehin Hümbətova şəxsi həyatını şou-biznesdən kənar tutan xanımlardandır. Dövlət işində işləyən xanım ifaçılığa sadəcə hobbi kimi baxdığını etiraf edib.
M. Hümbətova belə qeyd edib:
"Mən özümü şou-biznesdə saymıram. Ümumiyyətlə, bacımı, ailəmi şou-biznesə gətirməyi xoşlamıram. Çıx, efirdə nə istəyirsən, et. Lap şortik gey, rəqs et, gözəl ifa nümayiş elə. Amma niyə sən sevgilinlə, sürdüyün avtomobillə, ailənlə gündəmə gəlirsən axı? Əgər sən müğənnisənsə, gərək görünüşün də efirə uyğun olsun, baxımlı olasan. Tamaşaçı 100 faizlik sənətə baxmır. Xarici görkəm və ifa bir-birini tamamlayırsa, tamaşaçı həzz alır. Yoxsa ki, çıxıb efirdə axmaq-axmaq danışırlar, tamaşaçı bezir və kanalı dəyişir".