Müğənni Ayan Babakişiyeva maraqlı fotosessiyasını təqdim edib. Hər bir fotoda mövzu həkk olunub.

Ayan simasındakı zəncirbəndin mənasından söz açdı:
"Bu həyatda insanın ikinci siması olur. İkinci simanı tanımaq üçün illər lazım deyil. İndiki zəmanədə insanı tanımaq üçün bəzən bir saat belə yetir. Lakin içimizdəki məni tanımaq bu qədər asan deyil. Mənim daxilimdəki mən hər kəsə əyan ola bilməz. Gərək qarşımdakı insan mənim o qədər etibarımı qazansın ki, o zaman ikinci məni ortaya çıxara bilsin”.

Qeyd edək ki, Ayan Babakişiyevanın vizajı üzərində Səbinə İmanova çalışıb. Müğənninin geyimi modelyer Şəlalə Maqsudovaya məxsusdur. Fotoların müəllifi Çingiz Seyfullayev, qrafisti isə Asif Bafoğludur.