Müğənni Nazənin nəvəsinin doğulmasının 40 günlüyünü qeyd edib. Qadınlar.biz lent.az-a istinadən məlumatında açıqlama verən ifaçı bildirib ki, həyatının ən gözəl günləridir: “Oğlum Fəxinin qızı olub. Çox sevincliyəm. Nəvəm mənim adımı daşıyacaq. Artıq neçə gündür ki, nəvəmin doğulmasının 40 günlüyü münasibətilə evimizə qonaqlar gəlir. Yaxın rəfiqəm, bacım, əməkdar artist Nüşabə Ələsgərli də gəlib məni təbrik etdi. Bu gözəl günlə bağlı bir çox insanlardan təbrik aldım. Hər birinə minnətdaram. Həyatımın ən gözəl günlərini yaşadığıma görə, tanrıma minlərlə şükürlər olsun. Allah övlad arzulayan bütün xanımlarımıza bu paydan versin. Kim mənə və övladlarıma nə arzu edirsə, mən də onlara onu arzu edirəm”.