Zuhal Topalın evlilik proqramı sayəsində məşhurlaşan Naz Mila növbəti dəfə hər kəsi təəccübləndirib.
Publika.az Türkiyə mətbuatına istinadən xəbər verir ki, azərbaycanlı qız uzun davam edən mübahisələrdən sonra sevgilisi Naz Bahal ilə nişanlanmışdı. Lakin cütlük cəmi 2 gün nişanlı qala bilib. Naz üzüyü atdığı üçün Baha ondan ayrılmağa qərar verib. Naz isə bundan sonra verilişə gəlməyəcəyini söyləyib.
Lakin azərbaycanlı qız dünən yenidən verilişə qatılıb. O, lojadakı namizədlərdən Sərkanla münasibət qurmaq istədiyini bildirib. Naz "Yeni həyata başlamaq üçün gəlmişəm, amma həyatıma başqa biri ilə başlamaq istəyirəm. Qəbul etsə, yoluma Sərkanla davam etmək istərdim", - deyib.
Sərkan isə çox heyrətləndiyini gizlətməyib. "Heç gözləmirdim. Qıpqırmızı oldum, nə deyəcəyimi bilmirəm”.
Məlumat üçün bildirək ki, bu verilişdə baş verənlərin quraşdırma olduğu, hər şey ssenariyə uyğun getdiyi iddia olunur.