"Qızımın zövqünü körpəlikdən formalaşdırmağa başlamışam"

BiG.AZ qafqazinfo.az-a istinadən xəbər verir ki, bu sözləri xalq artisti Zülfiyyə Xanbabayeva “Port Baku Magazine” jurnalına müsahibəsində söyləyib.

Həmin müsahibədən kiçik hissəni təqdim edirik:

- Zövqünüz qızınızın zövqü ilə üst-üstə düşürmü? Dənizin qarderobu necə formalaşır? O, sizin geyim seçiminizə və ümumiyyətlə “ulduz” olmağınıza necə yanaşır?

- Bəli, üstümə düşür. Dəniz bilir kimin qızıdır, amma onun üçün ilk növbədə anayam. Və o mənə etibar edir. Mən onun zövqünü körpəlikdən formalaşdırmağa başlamışam. Heç zaman düşünməmişəm ki, uşaq mütləq əlvan geyinməlidir. Dənizin qarderobunda qara rənglər də var. Artıq 9 yaşında olmağına baxmayaraq, hərdən Dəniz mənə hər hansı paltarı göstərəndə mən onun bir neçə geyimi uyğunlaşdırmağından anlayıram ki, artıq onun öz üslubu, zövqü formalaşıb. Uşaq olanda mənim zövqümü heç kim formalaşdırmayıb və mən bilmirəm bu məndə necə əmələ gəlib.