İstanbulda Ercan P. mikroavtobusla evinə getdiyi vaxt tibb bacısı Səmra H.-nin iynəli hücumuna məruz qalıb. İynədə xəstəlik olub-olmadığının araşdırılmasını istəyən gəncin polisə şikayəti sonrası olayla bağlı istintaq başlanılıb.

BiG.AZ xəbər verir ki, Mecidiyeköy dayanacağında avtobusa minən Ercan P.-nin yanına bir neçə dayanacaq sonra Səmra H. adlı qadın əyləşib. İddialara görə, Səmra H., yanına oturduğu Ercan P.-ni itələməyə başlayıb. Qadına nə baş verdiyini soruşmaq istəyən Ercan P. bu zaman Semra H.-nin çantasında nə isə axtardığını görüb. Çantasından bir anda şpris çıxaran gənc qadın iynəni Ercanın ayağına batırıb. Nə baş veridyini anlsmaqda çətinlik çəkən Ercan P. iynəni çıxarıb vəziyyəti Edirnekapı dayanacağında olan polislərə xəbər verib. Onlar daha sonra Eyüp Polis Mərkəzinə aparılıblar. Səmra H. ifadəsində özəl bir xəstəxanada çalışdığını söyləyib.

Səmra, Ercan P.-nin davamlı olaraq hərəkət etməsinə əsəbiləşdiyi üçün çantadakı şprisi çıxarıb ayağına batırdığını dilə gətirib. Hadisənin ardından xəstəxanaya müraciət edən Ercan P. isə iynədən ona hər hansı bir xəstəlik keçməməsinin araşdırılmasını istəyib. Ercan P.-nin polisə şikayəti sonrası istintaq başladıldığı ifadə edilir.


mənbə: milli.az