"Kara sevda"nın qəhrəmanları Burak Özçivit və Neslihan Atagül arasında gərginlik bitmir.

Axşam.az-ın Türkiyə mətbuatına istinadən məlumatına görə, Burakın iyunun 29-da Fahriye Evcenlə olacaq toyuna Neslihan qatılmayacaq. Səbəb isə ötən il Neslihanla Kador Doğulunun toyunda Burakın iştirak etməməsidir.

Onlar arasında gərginlik isə serialın ilk seriyalarından başlayıb. Belə ki, əvvəllər dost olan Kadir və Burak serial başlayandan bəri görüşməyiblər. Buna səbəb isə Burakın bir müsahibədə Neslihanla bağlı romantik səhnələr haqda "Kadir dostumdur, bizdə dosta qarşı səhv olmaz" deməsidir. Bu cümlədən əsəbiləşən K.Doğulu "Nə qədər özünə güvənən bir insan, çox təhlükəlidir" demişdi.