Tərkibi:
albuxarı (qara gavalı, dənəsiz)
700 q mal qiyməsi
300 q toyuq qiyməsi
1 baş soğan
1 yumurta
duz, istiot, ədviyyat - zövqə görə
200 q qat-qat xəmir

Hazırlanması:
Şişlərin hərəsinə 1 lüləyə 1 qara gavalı hesabı ilə albuxarıları taxın. Əgər şiş taxtadandırsa, gavalıları əvvəlcədən suda 30 dəqiqə saxlayın.


Mal, toyuq ətləri, soğandan qiymə hazırlayın, duz, istiot, ədviyyat əlavə edin, şişdəki albuxarıların üzərini örtməklə lülə hazırlayın.


Yağlı qat-qat xəmiri 1 mm qalınlıqda yayın. Sonra nazik şəridlərə bölün. Şişin ucundan başlayaraq lülələrin üzərinə dolayın.

Siniyə bir az su və bitki yağı tökün. Hazır lülələri siniyə düzün. 180 dərəcə qızdırılmış sobada qızaranadək bişirin.

Nuş olsun!