Hazırlanma vaxtı:
1 saat
Tərkibi:
500 qr bişmiş ət qiyməsi
500 ml tomat sousu
2 x/q tomat pastası
1 dəstə cəfəri
1 ədəd baş soğan
3 diş sarımsaq
1 x/q qurudulmuş qaraqınıq (oreqano)
200 ml yağlı qaymaq
zeytun yağı
duz
qara istiot
muskat
300 qr makaron (farfalle)
Hazırlanması:
Bolonyeze (ital.-Ragù alla bolognese) - makaronlar üçün olan ətli sousdur. Reseptdə istifadə edilən hazır qiyməni kartoflu zrazı reseptində olduğu kimi hazırlaya bilərsiniz.
Makaronlar paketin üzərində qeyd edildiyi kimi bişirilir. Soğan xırda doğranılır.
Soğan zeytun yağında qızardılır.
Qiymə və qaymaq əlavə edilir. Yaxşı qarışdıraraq az odda 10 dəqiqə bişirilir. Qaymaq qaynamamalıdır.
Tomat sousu, tomat pastası, xırda doğranmış cəfəri və qaraqınıq əlavə edilir.
Yaxşı qarışdırılır. Daha 10 dəqiqə pörtlədilir. Duz, istiot və muskat əlavə edilir. Qarışdırılır.
Sous hazırdır. Sevimli makaronlarla birgə süfrəyə vermək olar.