Tərkibi:
1 cücə
1 limon
8 x.q. un
2 yumurta
100 q narın suxarı (rəng üçün 0,5 ç.q. sarıkök və ya paprika əlavə etmək olar)
100 ml zeytun yağı
100 ml bitki yağı (qarğıdalı, yaxud günəbaxan)
qara istiot
duz
Ət tikələrini duzlayıb-istiotlayın. Üzərinə limon şirəsi gəzdirib ən azı bir saat marinadda saxlayın.
Yumurtaları çalın. Unu və narın suxarını ayrı-ayrı qablara tökün. Suxarıya paprika və ya sarıkök qata bilərsiniz.
Toyuq tikələrini əvvəlcə una, sonra yumurtaya, sonda isə suxarıya batırın.
Tavada bitki yağını zeytun yağı ilə qarışdırın. Yağ
bol olmalıdır ki, cücə yaxşı qızarsın. Əvvəl iti odda qızardın, sonra
tavanın qapağını örtün, orta itilikli odda bişirin.
Bakhendli adətən süfrəyə limon dilimləri və cəfəri ilə verirlər.