Tərkibi: badımcan qaraciyər qoyun əti duz qara istiot keşniş quyruq Hazırlanması: Baxş - qaraciyər və keşnişlə hazırlanan plovdur. Bu təamda isə plov yoxdur, düyünün yerini badımcan tutur. Badımcanın saplağını kəsib içini çıxarın (qabığı bütöv qalsın, içinin də ancaq dənə olan hissəsini çıxarın ki, ətlə quyruğun şirəsini özünə çəkəcək ləti qalsın). Suda bişmiş qaraciyəri, xırdalanmış qoyun əti və quyruğu, doğranmış keşnişi, duz-istiotu qarışdırıb badımcanların içini doldurun. Şişə keçirib manqalda, közdə bişirin. Şişləri beş dəqiqədən bir çevirə bilərsiniz, çünki badımcan digər tərəvəzlərdən bir az gec bişir. Baxş kababın bişməsi təxminən 30-40 dəqiqə çəkəcək.