Ərzaqlar:
Toyuq filesi – 900 qr
Un- 100 qr
Duru yağ – 100 ml
Bərk pendir – 100 qr
Suxarı – 50 qr
Keşniş
Yumurta – 1 ədəd
Duz, istiot

Hazırlanmsaı:
Toyuq filesini yuyub suyunu çəkirik və azca döyürük. Yan tərəfindən 2-3 sm dərinliyində kəsik açırıq. Pendiri sürtgəcdən keçirib xırda doğranmış keşniş ilə qarışdırırıq və bu qarışımı toyuq filesinin içinə doldururuq. Kənarlarını diş çöpü ilə bərkidirik ki, içlik tökülməsin. Hər iki tərəfini un, duz və istiot qarışımına batırırıq. Çalınmış yumurtaya batırdıqdan sonra yaxşıca suxarıya batırırıq. Tavaya bitki yağı töküb qızardırıq və sonra sobada tam hazır olana qədər 15-20 dəqiqə 170-180C dərəcədə bişiririk.


Nuş olsun!