Tərkibi (8 pay):
375 q un
400 q şəkər tozu
60 q kakao tozu
14 q qabartma tozu
6 q duz
10 ml alma sirkəsi
20 ml vanil cövhəri
240 ml qoxusuz bitki yağı
475 ml soyuq su, yaxud qəhvə (dəmləmə)

Hazırlanması:
İri qabda bütün quru ərzağı (un, şəkər tozu, kakao, qabartma tozu və duzu) qarışdırın.
Bu qarışıqda 3 çala açın: biri iri, ikisi balaca. Balaca çalalardan birinə vanil cövhəri, o birinə alma sirkəsi, iri çalaya yağı tökün.
Hamısının üstünə soyuq su (yaxud qəhvə) töküb intensiv qarışdırın.
Formaları bitki yağı ilə yağlayın. 3/4-ü qədər xəmir doldurun. 180 dərəcə qızdırılmış sobada 25-30 dəqiqə bişirin.
Soyuyandan sonra formadan çıxarıb üzərinə şəkər pudrası səpin.



Nuş olsun!