Marchesa brendi NWH zinət əşyaları şirkəti ilə birgə ilk zinət əşyaları kolleksiyasını buraxacaq.
Kolleksiyanın üzərində Marchesa brendinin Britaniya mənşəli dizaynerləri Corcina Çepmen və Keren Kreyq çalışırlar. NWH brendin eleqant məhsullarını yenidən yaradaraq, onları zinət əşyalarına çevirəcək. Çepmen bu mövsüm kolleksiyada 20-ci illərin təsirinin hiss olunacağını bildirib. Zinət əşyalarının hazırlanmasında istifadə olunan materialların arasında mirvarilər, kristallar, kubik zirkonya istifadə edilib.