Bu il 5 illiyini qeyd edən Prabal Gurung markasının yubiley nümayişi üçün Prabal Qurunq xüsusi hazırlaşıb. Vətəni Nepaldan ilhamlanan dizaynerin kolleksiyasının əsas mövzusu dağlardır. Hətta ideyanı tam çatdırmaq məqsədilə o, rəssam Cerard Santesi əməkdaşlığa dəvət edib. Vulkanlar, peyzajlar və başı qarlı dağların əks olunduğu geyimlər sanki canlı rəsm əsərləridir. Müxtəlif növ parçalar, krujeva, eləcə də hörümçək torunu xatırladan detallar isə kolleksiyaya fərqlilik bəxş edib.