Nyu-York moda həftəsi çərçivəsində "Carolina Herrera” moda evinin növbəti gurultulu nümayişi baş tutub.
 
Amerikalı dizayner kejual və gündəlik üslubda paltarlar təqdim edən dizaynerlərdən deyil. O,  daha çox gözəl və füsunkar axşam və kokteyl paltarla ürəkləri fəth edib. Belə ki, Karolina Herreranın yeni kolleksiyası bir daha qonaqların zövqünü oxşayıb.
 
Dəb nümayişi  zamanı dizayner bildirib ki, yeni kolleksiyaların yaradılmasında onu həmişə keçmiş ilhamlandırsa da, qadını müasir obrazda görmək istəyir. Məhz buna görə də, dizayner ilk növbədə, müasir texnologiyalara diqqət yetirməyə çalışır. Yeni kolleksiyadakı 3d tikmələr, qurama, bədii tikmə üsulu, büzmə və qeyri-standart işləmələr göstərir ki, yeni mövsümdə məhz bu detallar trend olacaq.