Canım Aysu qızım... olacağını öyrəndiyim gün heç sevinməmişdim... Məni səhf başa düşmə gözəl şirin balam...  Çünki olacağını öyrəndiyim vaxt Arzu bacın hələ iki aylıq idi... ikinci bəbişimin bu tezliklə olacağına heç hazır deyildim... Nəinki hazır olmaq heç ağlımın ucundan da keçmirdi... amma artıq sən həyatımıza gəlməyə hazırlaşmışdın... Həmin gün indiki kimi ağlımdadı... atana sənin olacağını söyləyəndə mənə tək bir kəlimə dedi ,,birdən mənə deməmiş nəsə edərsən... bax elə o andan atanın səni çox istədiyini gördüm... amma mən boşluğa düşmüşdüm...səni istəmədiyimdən deyil gözəl qızım, atamdan yəni babandan utanırdım...

 

 

Günlərimiz çox tez keçdi... sən artıq bezmişdin.... həyatımıza gəlmək, Arzunu bacı etmək, atana və mənə ikinci dəfə ata ana olmaq sevincini yaşatmaqdan ötrü tələsirdin... Allahım səni də, ananı da çox istəyir... çünki  iş elə gətirmişdi ki, bacının doğuşunda olduğu kimi sənin də doğuşunda nənəngil, yəni ananın anası təsadüfən gəlmişdilər bizə....hələ kiçiksən gözəl qızım. inşallah böyüyüb bu anları yaşayanda biləcəksən ki, dar köynəkdə olan bir qız üçün anasının, bacısının  isti nəfəsini duymaq, varlığını hiss etmək nə deməkdir... ananı da Uca Rəbbimiz bu çətin anımızda tək qoymadı...

 

 

 

 Mənim şirin şəkər gül balam... olacağını öyrəndiyim gün sevinə bilmədiyim Aysu qızım... bu gün düz iki yaşın tamam olur... ana deyib üstümə yüyürürsən, o kiçik əllərinlə məni qucaqlayıb bal dadan dodaqlarınla məni öpürsən... bu gün sən mənə bir ananın yaşaya biləcəyi ən böyük xoşbəxtliyi yaşadırsan... xoşbəxt ol hər zaman gözəl balam... sənə Allahımdan hər şeydən əvvəl gözəl bəxt tale arzulayıram... bəxtin taleyin gözəl olandan sonra dünyadakı bütün gözəlliklər sənin olacaq.... ruzili, sevgi dolu, səadət dolu bir həyat yolu keçməyini diləyirəm... Allahım bütün anaların balalarını qorusun , içində də səni və bacını...

Öürəm səni şirin balam... doğum günün mübarək... yaxşı ki, Tanrı səni mənə verib...