Ebru Şallıdan hamiləllərə xüsusi məşq hərəkətləri

Qeydiyyat Şifrənin bərpası

Qadınla.Com

Tarix: 5-07-2014, 12:00

Müəllif: Narın Yağış

Şərhlər: 4

Baxılıb: 5 233

Bölmə: Fitnes klubu / Hamiləlik

Səs ver:

(səs: 2)

Bir müddət əvvəl ikinci körpəsini dünyaya gətirən Ebru Şallı hamilələrə xüsusi məşq hərəkətlərini göstərmişdi. Hamiləlik dövrü ərzində xüsusi məşqlərdən imtina etməyən Ebru Şallı az kökələrək həm sağlam, həm də gözəl hamiləlik keçirib.
Buyurun, siz də tanış olun:

1. Nəfəs

Fotoşəkildəki kimi oturun. Bu vəziyyətdə kürəyiniz dümdüz olmalıdır. Nəfəsi burnunuzdan alıb, ağzınızdan verin. Nəfəs alaraq hərəkətə başlayın.

Nəfəs verərkən çiyinlərinizi yavaş yavaş dizlərinizə doğru yaxınlaşdırın. Dizinizə yaxın vəziyyətdə belə qalın. 4-5 dəfə nəfəs alıb verin. Daha sonra onurğa sümüyünüzü tək-tək yuxarıya qaldıraraq əvvəlki vəziyyətə geri dönün.

2. Ayaqlar. Bu hərəkəti ayaqlardakı qan dövranını sürətləndirmək üçün etməlisiniz. İdman döşəyinin üzərinə böyrü üstə uzanın. Ayaqlarınızı aça bildiyiniz qədər yuxarıya qaldırın və gərgin olmasına diqqət göstərin.

Öndən arxaya doğru "dairələr çəkin". Ayağınız "dairələr qurtaranacan" yerə dəyməməlidir. Həm sağ, həm sol ayaqla hərəkəti 12 dəfə təkrarlayın.

3. Omba

Başlanğıc üçün əllərinizin üzərində "pişik" mövqeyini alın. Sağa-sola sovrulmadan nizamlı şəkildə nəfəs alın. Barmaq uclarınızın gərgin olması lazımdır. Sağ ayağınızı nəfəs verərkən yuxarıya doğru qaldırın. Ombanı çox "çölə çıxarmamağa" çalışın. Üzünüz həmişə qabağa baxmalıdır. Hərəkəti hər iki ayaqla 12 dəfə təkrarlayın.

4. Pişik forması

Hərəkətə yenə "pişik" mövqesi alaraq başlayın. Nəfəs alarkən ombanı içəriyə doğru çəkin. Nəfəs verərkən onurğa sümüklərini yuxarıya doğru qaldırın. Tək-tək açıldıqlarını hiss edin. Boyun və baş onurğanı "izləməlidir". Bu məşq onurğanın elastikliyini təmin edir.

5. Balıq qulağı forması

Dizlərinizin üstündə düz oturun. Kürəyiniz düz olmalıdır. Əllərinizi irəliyə doğru uzadaraq idman döşəyinə mümkün olduğu qədər yaxınlaşın. Nəfəs alın və nəfəs verərkən çox yavaş hərəkət edərək əvvəlki vəziyyətə geri dönün.