Adətən, adama elə gəlir ki, problem yalnız köklük ola bilər. Eh, arığa nə var e, yesin, içsin, yatsın, vəssalam. Kökələcək. Bu düşüncə ilə «Gözəlik sirləri» seriya kitablarında bütün məsələlərə ayrı-ayrılıqda toxunsam da, heç vaxt bu sahəyə kiçik önəm belə verməmişəm. Amma, qəribədir, məni görən hər kəs «niyə kökəlməkdən yazmırsan?» deyir. Əvvəl, bunu zarafat başa düşürdüm. Amma, sonra başa düşdüm ki, bu ciddidir və kökəlməyin yollarını axtaran çoxsaylı insanlar var. Heç demə hər şey düşündüyümüz qədər asan deyilmiş. İştahlı köklərdən fərqli olaraq bu tip insanlarda iştah olmur. Ona görə onlar bizim dediyimiz kimi, bütün günü dadlı yeməkləri qarşısına qoyub yeyə bilmir. Yaxud bir qrup insanlar da var ki, bütün günü çənəsi işləyir, amma kökəlmir ki, kökəlmir. Bu isə maddələr mübadiləsi pozuntusu ilə əlaqədardır.

Ümumiyyətlə, normal bədən çəkisi insan sağlamlığının göstəricilərindən biridir. Arıq və çəlimçiz insanın müqaviməti zəfi olur, xəstəliklərə tez yoluxur.Ona görə də normal çəkiyə sahib olmaq mühüm məsələdir.

İndi sizə təqdim etdiyim reseptlər isə həkim məsləhi olduğu üçün ürəklə istifadə edə bilərsiniz.

2-3 ədəd quru və ya təzə əncir və 3-5 ədəd badam bir stəkan suddə isladılır və 40 gün ərzində hər səhər qəbul edilir.

10 ədəd badam və bir xörək qaşığı kişmiş xırdalanır, bir stəkan süddə qarışdırılır. Gündə iki dəfə, səhər və axşam isti şəkildə qəbul edilir.

3 xörək qaşığı xama bir yumurtanın sarısı ilə stəkanda çalınır və üzərinə stəkan dolana qədər pivə əlavə olunur. Hər səhər acqarına içilir.
Pivə içən oğlanlar üçün bayram

Hərəsindən 100 qr yerkökü, çuğundur, qara turp, bal və 40%-li spirt qarışdırılır və soyuducuya qoyulur. Gündə 3 dəfə yeməkdən 30 dəqiqə əvvəl 2 xörək qaşığı daxilə qəbul edilir.

Əlavə məsləhətlər
Hər gün təzə inək südü için
Kərə yağından çox istifadə edin
Təzə bişmiş ağ çörək yeyin
Səhərlər düyü və buğda sıyıqları ilə qidalanın
Kişmiş, ərik qurusundan çox istifadə edin
Yuxunuza fikir verin, yumşaq yataqda yatın
Kökəlmirsinizsə, onda həkimə müraciət edin. Bəzən bağırsaq, həzm problemi və qurd xəstəlikləri buna mane olur.
Qeyri-düzgün həyat tərzi, qısa yuxu, stress, fiziki və zehni yuklənmə də arıqlamağa səbəb olan əsas amillərdərdir.