Yay arıqlamaq üçün ən münasib fəsildir. Məhz pəhriz saxlayarkən insan ləziz nemətlər dadmaq istəyir.

Bunu nəzərə alan dietoloqlar araşdırma apararaq, yay üçün nəzərdə tutulan ən dadlı kivi pəhrizini arıqlamaq arzusunda olanların ixtiyarına verdilər. Tərkibi C vitamini və çoxlu minerallarla zəngin olan kivi ananas, qovun, çiyələk və motmotunun dadını bir arada toplayıb, şirniyyat sevənlərə fərqli dad verir.

Diqqət!
· Pəhrizə iki həftə riayət etmək lazımdır.
· Pəhrizə iki ay ara verməklə yenidən saxlamaq olar.
· Təqdim olunan menyuya 2 həftə ərzində növbələşdirməklə davam etmək lazımdır.
· Gün ərzində sadəcə, 10 ədəd kivi yemək olar.
· Kivi pəhrizi təzyiqi yüksək olan insanlara xeyirli, aşağı olanlara isə ziyandır.
· Bu pəhriz zamanı spirtli içkilərdən, qazlı sulardan, fast-futdan və şirniyyatdan uzaq durmaq lazımdır.
· Pəhriz allergiyası olanlara qadağandır.
Kivi pəhrizi üçün menyu:
I gün
Səhər: 3 ədəd kivi, pendirli buterbrod, soyutma yumurta, şəkərsiz çay və ya kofe
Nahar: 5 ədəd kivi, 250 qr. soyutma toyuğun döş əti, tərəvəz salatı
Şam: 2-3 ədəd kivi, 200 qr. kəsmik, çay, qazsız su və ya meyvə şirəsi
II gün
Səhər: Bir neçə dilim kivi, qayğanaq, bir dilim çovdar çörəyi, şirə
Nahar: 4-5 ədəd kivi, 300 qr. soyutma balıq, 3 ədəd pomidor, tost və çay
Şam: Soyutma toyuğun döş əti, kivi dilimləri və başqa meyvələrdən hazırlanmış salat
Yatmazdan əvvəl: Kivi və 200 qr. kəsmik.