Sən demə evdə, yolda, işdə saatlarla əlimizdən düşməyən mobil telefonlar əsl mikrob mənbəyi imiş. Dünyanın bir sıra universitetlərinin mütəxəsissləri apardıqları araşdırma nəticəsində belə  qənaətə gəliblər.
Mütəxəssislərin apardığı araşdırma nəticəsində məlum olub ki, mobil telefon xəstəliklərin yaranma təhlükəsini birə-beş artırır. Belə ki, telefonla danışdığımız və ya mesajlaşdığımız zaman toplanan çoxsaylı mikroblar və toz  birbaşa insanın daxili orqanlarına yönəlir. Zamanla həmin mikroblar və toz insan orqanizminə toplanaraq daha təhlükəli vəziyyət yaradır və astma, zökəm, bağırsaq və dəri xəstəliklərinin yaranmasına gətirib çıxarır.
Vəziyyətdən ilkin çıxış yolu kimi, mütəxəssislər mobil telefonu mütəmadi olaraq spirtli dəsmalla silməyi məsləhət görürlər.