Türk Hava Yollarının reklamı Youtube video portalında ən çox bəyənilən reklam olub.

Ulduz basketbolçu Kobe Bryant və futbolçu Messinin iştirakı ilə çəkilən film son 10 ilin ən çox bəyənilən reklamı seçilib.

Dünyanın iki ən məşhur idmançısının selfie çəkmək mübarizəsindən bəhs edən reklam filmi yayımlanandan qısa müddət sonra milyonlarla izlənmə rekordu qırıb. İlk 3 gündə isə videoya 25 milyon dəfə baxılıb.

Reklamın bu qədər geniş yayılmasına və sevilməsinə təsir edən amillərdən biri də son illərdə sürətlə yayılan və dəb halını alan selfie ilə ən az Hollivud ulduzları qədər məşhur olan Kobe Bryant və Messinin bir araya gətirilməsidir.

Qeyd edək ki, Messi və Kobe THY-nin bir neçə reklam filmində çəkiliblər.