Şimşək kimi buludları qovaraq,
Verdim parlaq çiçəklərə könlümü.
Günəş kimi qaranlığı boğaraq
Verdim odlu diləklərə könlümü.
 
Cavan ömrüm bir mum kimi sönərkən
Yüksəklərdən alçaqlara enərkən
Əməllərim bir səraba dönərkən 
Çaxib verdim şimşəklərə könlümü.
 
O zaman ki, sahib oldum qanata
Bir quş kimi nəzər saldım həyata 
Etdi məni gənclik şövqüm əhata 
Verdim sərxoş küləklərə könlümü.
 
Mikayıl Müşviq