Dünyanın ən güclü tennisçilərindən olan rusiyalı Mariya Şarapova bundan öncə idmançı – çempionların və idmançı – gözəllərin siyahısında ilk yeri tuturdu. Lakin bu dəfə o, qazandığı gəlirlərə görə ən yaxşılardan biri hesab olunub. Belə ki, Şarapova bu idman növünün mövcud olduğu bütün dövrlər ərzində dünyanın ən varlı tennisçiləri sırasında ilk yerlərdən birini tutur.
25 yaşlı idmançının gəliri 25 milyon dollar təşkil edir. Onun əzəli rəqibləri olan bacılar – Serena Uilyams (43. 2 milyon dollar) və Venus Uilyams (28, 6 milyon dollar) isə sərvəti ilə Şarapovanı geridə qoyublar.
Mariya sərvətini yalnız özünə, yaxınlarına sərf etmir. O, həm də xeyriyyəçiliklə məşğuldur. BMT-nin xoşməramlı səfiri olan tennisçinin Çernobıl qəzasında zərərçəkmiş şəxslərə yardım fondu var. Bundan əlavə, o, ukraynalı tələbələrin təqaüdlərini maliyyələşdirir.