Tərkibi:
1 su stəkanı damla şokolad
2 su stəkanından 1 barmaq əskik un
1 çay qaşığı qabartma tozu
Bir tutam duz
125 qram otaq istiliyində kərə yağı və ya marqarin
2/3 su stəkanı şəkər tozu
1 paket vanil, 1 ədəd yumurta
Yarım su stəkanı döyülmüş qoz-fındıq
Hazırlanması:
Əvvəlcə dərin bir qabda un, qabartma tozu və duzu qarışdırın.
Ayrı bir qabda kərə yağı, şəkər tozu və vanil krem konsistensiyasına gələnə qədər mikserlə çırpın.
Yumurtanı əlavə edib, çırpmağa davam edin. Yavaşca unlu qarışığa əlavə edib yaxşıca yoğurun.
Şokolad və fındığı qatıb belə bir qarışdırdıqdan sonra xəmirdən kiçik qoz böyüklüyündə parçalar qoparın.
Ovucunuzun içində yuvarlayıb, əlinizlə yüngülcə basdırın. Yağlı kağız sərilmiş soba nimçəsinə fasilələrlə düzün.
Əvvəldən isidilmiş 190 dərəcə sobada üzəri yüngül qırmızılaşana qədər bişirin.