Avokadonunorqanizm üçün faydasından bəhs etmişdik. Bundan əlavə, avokado kosmetologiyada da geniş istifadə edilir. Ondan üz və saç üçün maskalar hazırlanır.
Avokadodan üz üçün maskaların hazırlanmasında istifadə edilir. Bu maskalar nəmləndirici, sakitləşdirici, bərpaedici və qidalandırıcı effektə malikdirlər.
Quru dəri üçün Avokado püresindən(meyvənin ½ ) və bitki yağından ( zeytun yağı yaxşı olar) maska hazırlamaq olar. İnqrediyentləri qarışdırıb sıyığı üzə çəkib 15-20 dəqiqə gözləmək. Sonra isti su ilə yumaq.
Yağlı dəri üçün maskanın hazırlanmasında 1 x.q. avokado püresi, yumurtanın ağı və 1 x.q. limon şirəsi istifadə etmək lazımdır. Hamısını yaxşıca qarışdırıb dəriyə çəkmək və 10-15 dəqiqə gözləmək. Maskanı ilıq su ilə yumaq lazımdır.
Saçların parlaqlığını və gücünü bərpa etmək üçün avokado əsasında maskadan istifadə etmək olar. Bunun üçün yarım avokadonun ətini zeytun yağı ilə qarışdırmaq lazımdır. Saçlarınız yağlıdırsa, qatışığa 1 x.q. alma sirkəsi əlavə etmək olar. Maskanı saçlara çəkib 30 dəqiqə saxlamaq. Prosedurdan sonra qatışığı isti su və şampunla yumaq.