Bircə baxışınla dincəldi ruhum,
Sənin nə qəribə gözlərin varmış.
Bir ömür yanımda qalsan, sevdiyim,
Həyat başdan-başa nağıl olarmış.

Baxma gözlərimə, ey nağıl yarım,
Ömürlük nağılla qalmaq istəməm.
Qaranlıq gecələr ömür deyil ki,
Barı yatan zaman yuxuna gələm.

Yuxumuz nağılmı, noğulmu olsun?
Gəl noğul söyləyək nağıl yerinə.
Noğulu mən yeyim, nağılı, sən, de!
Qurbanam yuxunun bu ləzzətinə.

Əzizə Həsənova