Mənə xatir, yenə gül.  
Bu gün biraz daha da
Heyran olum sənə, gül.

Gül ki, ürəyimdəki,
Gün yenidən doğulsun.
Gül ki, sıxıntılarım,
Gülüşündə boğulsun. 

Göz bəbəyim tutular,
Öz əksini qoparsan.  
Bax gözümün içinə,
Baxışını taparsan.

Allah bu nə gülüşdür,
Parıltı var canında.
Günəş, üzü qaradır,
Gülüşünün yanında.

Gülüşünlə qazandım
Bu eşqi, bu hüzuru.
Ölsəm, məzarım olsun
Yanağının çuxuru.

Mirşən Xəyal