Biz belə ayrıldıq niyə bilmirəm
Mən buna ayrılıq deyə bilmirəm
Artıq bu sevgini öyə bilmirəm
Sənin böyük sevgin yalan sevgiymiş.

Səni görməyəndə çox odlanmışam
Görəndə sevincdən qanadlanmışam
Bu neçə müddətdə mən aldanmışam
Sənin böyük sevgin yalan sevgiymiş.

Sevirdim nə qədər sevirdim onu
Bilməzdim ki belə olacaq sonu
Gərək mən əvvəldən biləydim bunu
Sənin böyük sevgin yalan sevgiymiş.

Sən oldun eşqini dananlar kimi
Eşqin yarı yolda qoyanlar kimi
Həyatını saran yalanlar kimi
Sənin böyük sevgin yalan sevgiymiş.

RüFet Sabirli