Düşdüm yadıma Nigar,
Getdi əldən ixtiyar.
Sən çək orda min cəfa,
Biz görək burda səfa, ax...
Gəl, Nigar!...

Sevdim səni mən, ey Nigar,
Rəna gözəlim, şən baharım.

Sevdim səni, canan!
Lakin zülmkar xan,
Xalqın qatil düşməni,
Əsir etmişdir səni.

Ondan müşküldür ayrı düşmək,
Lakin çətindir bu görüşmək.

Oldum bu yolda mən
Öz-özünə düşmən,

Ayrı düşdüm ondan,
Mən ayrı düşdüm ondan mən, hey...
Ondan mən, hey...
Ondan mən, hey... ondan!

Dönmərəm bu yoldan,
Xof etmərəm xandan,
Xof etmərəm xandan, ölərəm,
Keçərəm canımdan.

Ölsün düşmən, bu üsyandan
Qurtarmasın yaxasın.

Dağılsın, məhv olsun kainat,
Onda nə zövq var, nə həyat.
Bu aləm sevgilər, məhəbbət
Yaratsın, yaratsın, ah...!

Sevdim səni mən, ey Nigar,
Rəna gözəlim, şən baharım.

Sevdim səni, yarım,
Sənsən mənim canım.
Olmaz özgə sevgilim
Səndən ayrı, səndən ayrı,
Səndən ayrı, düşdüm, Nigar!