Dünyanın ən məşhur supermodellərindən biri, 43 yaşlı Naomi Kempbell ana olmaq istəyir. O, sevgilisi, rusiyalı milyarder Vladimir Doronindən ayrılandan sonra kimsə ilə birlikdə yaşamır.

Manşet.Az-ın məlumatına görə "SiriusXM Radio Town Hall"da Diana fon Furstenberqin suallarını cavablayan Naomi Kempbell deyib:

"Ana olmaq, doğmaq istəyirəm. Ərimin olub-olmamasının əsla önəmi yoxdur. Yaşımın elə vaxtındayam ki, mən də övlad sevincini duymağı arzulayıram və bu arzumu da həyata keçirmək qətiyyətindəyəm".

N.Kempbell 2008-ci ildə kistanın götürülməsi ilə bağlı cərrahiyyə əməliyyatına məruz qalandan sonra bəyan etmişdi ki, ana ola bilməyəcək. Lakin sonradan o, "yanlış danışdım, ana ola bilərəm" söyləmişdi.