Qadınlar.Biz milli.az-a istinadən bildirir ki, rəqqasə Oksana Rəsulova maraqlı bir layihəyə imza atıb.

Fərqli bir tərzdə qədim hind filmlərinə müraciət edən Oksana yeni fotosessiyasını təqdim edib.
Yeni fotosessiyası üçün 5 ay hazırlaşan rəqqasənin eksklüziv açıqlamasını təqdim edirik:

"Bu fotosessiya ağlımda çoxdan var idi, ancaq 5 ay hazırlaşdım, çünki dərzim Xuraman xanım ilə bir yerdə bu gözəl libasları kəşf etdik və ideya mənə məxsusdur.

Bu fotosessiyamda qədim hind filmlərində gördüyümüz qadın obrazlarını canlandırmaq istədim  və bu işdə Xuraman xanım mənə yaxından dəstək oldu.
Çəkilişin az hissəsi studiyada, çox hissəsi isə Milli Tarix muzeyində çəkilib.
Bu arada oranın rəhbərliyinə öz minnətdarlığımı bildirirəm. Yeni fotoproyektin adı "Keçmiş əsrin hind qadınları"-dır.

Bu proyektdə çox peşəkar fotoqraf Fərhad Əli işləyib və işindən çox məmnunam. Təbii ki, stilistim Nura xanım hər zaman olduğu kimi mənim yanımda oldu.