Türkiyənin Baş naziri Əhməd Davudoğluna ölkədəki ələvi təşkilatlarının nümayəndələri tərəfindən təklif paketi göndərilib.
Tunceli, Elazığ və Malatya ələvilərini təmsil edən 9 ağsaqqal tərəfindən təqdim edilən 12 maddəlik siyahıda İstanbuldakı körpülərdən birinin adının dəyişdirilərək Şah İsmayıl Xətai qoyulması təkli edilir.
"Həm Yavuz Sultan Səlim, həm də Şah İsmayıl Xətai Türk və İslam tarixinin iki əhəmiyyətli, iki böyük şəxsiyyətdir. Keçmişdə yaşanılan xoşgəlməz hadisələrən uzaqlaşaraq bu hadisələrdən dərs çıxarılmaq lazımdır. İstanbul Boğazına tikilən bir körpüyə Yavuz Sultan Səlim adı verilirsə, Boğaziçi Körpüsünün adı da Şah İsmayıl Xətai olaraq dəyişdirilməlidir. İki qardaşlıq və sülh körpüsü ilə bu mənasız inciklik aradan götürülməlidir".