Türkiyəli aparıcı Acun Ilıcalı Şeyma Subaşının toyunda geyindiyi gəlinliklərinə səvət xərcləyib.

Qadinla.com türk mediasına istinadən xəbər verir ki, Şeyma Subaşının geyindiyi gəlinliklərin qiymətləri gündəmi zəbt edib. Belə ki, Subaşının nikahda “Zimmerman” markasından geyindiyi qat-qat libasının dəyərinin 1000 dollar, “Sergio Rossi” brendindən seçdiyi ayaqqabıları 600 dollar, saçına taxdığı “Johanna Ortis” brendindən taxdığı aksessuarın qiyməti isə 750 dollar olduğu açıqlanıb.

Sen Tropenin ən məşhur kurort mərkəzində baş tutan təmtəraqlı toy mərasimində geyindiyi libası dünya şöhrətli gəlinlik brendi “Vera Wang”dan idi. Şeymanın “Vera Wang”dan olan gəlinliyinin qiyməti açıqlanmayıb. Lakin adıçəkilən moda evində gəlinliklərin qiyməti 70 minlə 100 min dollar arasında dəyişir.

Gəlinin nikahdan sonra verilən təbrik yeməyində hindli stilist “Naeem Khan”ın yeni kolleksiyasından ağ paltar geyinib. Bu geyimin qiyməti isə 10 min dollardır.